இனியவை நாற்பது (36-40)-பாடல்களும் விளக்கமும்

பூதன் சேந்தனார் என்பவர் இயற்றிய நூல் இனியவை நாற்பது. இது நாற்பது வெண் பாக்களினால் ஆனது. பண்டைக் காலத் தமிழ்நூல் தொகுப்புக்களில் ஒன்றான பாத்தேன் கீழ் கணக்கு நூல்களுள் இதுவும் ஒன்று. உலகில் நல்ல அல்லது இனிமையான விடயங்களை எடுத்துக் கூறுவதன் மூலம் மக்களுக்கு நீதி புகட்டுவதே இந்நூலின் நோக்கம். ஒவ்வொரு பாடலும் மூன்று நல்ல விடயங்களை எடுத்துக் கூறுகின்றது. 

இனியவை நாற்பது பாடல்கள் (36-40) விளக்கத்துடன்:

இனியவை நாற்பது- பாடல்:36

அவ்வித்து அழுக்காறு உரையாமை முன் இனிதே;

செவ்வியனாய்ச் செற்றுச் சினம் கடிந்து வாழ்வு இனிதே;

கவ்வித் தாம் கொண்டு, தாம் கண்டது காமுற்று,

வவ்வார் விடுதல் இனிது. 36 

பொருள்:- அழுக்காறு - பொறாமை; 

மனக்கேடான பொறாமைச் சொற்களைச் சொல்லாமை இனிதாகும். மனக்கேடு இல்லாமல் சினத்தை விடுத்து வாழ்வது இனிதாகும். தனக்கு வேண்டிய பொருளை அபகரிக்காமல் அதனை மறந்து விடுதல் இனிது.

***************************************

இனியவை நாற்பது- பாடல்:37

இளமையை மூப்பு என்று உணர்தல் இனிதே;

கிளைஞர்மாட்டு அச்சு இன்மை கேட்டல் இனிதே;

தட மென் பணைத் தோள் தளிர் இயலாரை

விடம் என்று உணர்தல் இனிது. 37

பொருள்:- கிளைஞர் - சுற்றத்தார்; பணை - மூங்கில்;
தனக்குள்ள இளமைப் பருவத்தை மூப்பென்று உணர்தல் இனிது. சுற்றத்தாரிடம் இனிய சொற்களைக் கேட்பது இனிதாகும். மூங்கிலை யொத்த தோள்களையும் தளிரையொத்த மென்மையையும் உடைய மகளிரை விஷம் என்று உணர்தல் இனிது.

***************************************

இனியவை நாற்பது-பாடல்:38

சிற்றாள் உடையான் படைக்கல மாண்பு இனிதே;

நட்டார் உடையான் பகை ஆண்மை முன் இனிதே;

எத்துணையும் ஆற்ற இனிது என்ப, பால் படும்

கற்றா உடையான் விருந்து. 38

பொருள்:- நட்டார் - நண்பர்கள்; ஆ - பசு;
ஆயுதங்களைக் கொண்ட இளம் வீரர்கள் படை இனிது. சுற்றத்தை உடையவனின் பகையை அழிக்கும் தன்மை இனிது. கன்றோடு பொருந்திய பசுவுடையவனது விருந்து எல்லா வகையினும் இனியது.

***************************************

இனியவை நாற்பது- பாடல்:39

பிச்சை புக்கு உண்பான் பிளிற்றாமை முன் இனிதே;

துச்சில் இருந்து துயர் கூரா மாண்பு இனிதே;

உற்ற பொலிசை கருதி, அறன் ஒரூஉம்

ஒற்கம் இலாமை இனிது. 39

பொருள்: பிளிற்றாமை - கோபம் கொல்லாமை; ஒற்கம் - மனத்தளர்ச்சி; பிச்சையெடுத்து உண்பவன் கோபம் கொள்ளாதிருத்தல் இனிது. துன்பத்தில் இருந்தாலும் துன்பம் கூறாது இருப்பவனின் பெருமை இனிது. மிக்க பேராசையைக்கொண்டு அறவழியிலிருந்து நீங்காதிருக்கும் உறுதி இனிது.

***************************************

இனியவை நாற்பது-பாடல்:40

பத்துக் கொடுத்தும், பதி இருந்து, வாழ்வு இனிதே;

வித்துக் குற்று உண்ணா விழுப்பம் மிக இனிதே;

பற்பல நாளும் பழுது இன்றிப் பாங்கு உடைய

கற்றலின் காழ் இனியது இல். 40

பொருள்:- வித்து - விதை;
பத்துப் பொருள் கொடுத்தாயினும் உள்ளூரிலிருந்து வாழ்தல் இனிது. விதைக்கென வைத்த தானியத்தை உண்ணாதிருத்தல் இனிது. பல நாட்களுக்கு நன்மையைச் சொல்லும் நூல்களைக் கற்பதைப்போல இனிதான செயல் வேறு ஒன்று இல்லை.

**************************************

நாம் வளம் பெற,  நலம் பெற, மன நிறைவுடன் வாழ நாம் செய்யக் வேண்டியவைகளைப் பற்றி கூறும் பூதன் சேந்தன் என்னும் புலவர் இயற்றியது, இனியவை நாற்பது என்னும் நூல். பதினெண் கீழ் கணக்கின் தொகுப்பில் உள்ள இந்த நீதி நூலை நமது வாழ்க்கையில் பின்பற்றி வளமுடன் வாழ்வோமாக!!! மேலும் இனியவை  நாற்பதின் ஊடாக  பயணிப்போம் இனிய நண்பர்களே!!! அன்புடன் கே எம் தர்மா.

இனியவை நாற்பது (31-35)-பாடல்களும் விளக்கமும்

பூதன் சேந்தனார் என்பவர் இயற்றிய நூல் இனியவை நாற்பது. இது நாற்பது வெண் பாக்களினால் ஆனது. பண்டைக் காலத் தமிழ்நூல் தொகுப்புக்களில் ஒன்றான பாத்தேன் கீழ் கணக்கு நூல்களுள் இதுவும் ஒன்று. உலகில் நல்ல அல்லது இனிமையான விடயங்களை எடுத்துக் கூறுவதன் மூலம் மக்களுக்கு நீதி புகட்டுவதே இந்நூலின் நோக்கம். ஒவ்வொரு பாடலும் மூன்று நல்ல விடயங்களை எடுத்துக் கூறுகின்றது. 

இனியவை நாற்பது பாடல்கள் (31-35) விளக்கத்துடன்:

இனியவை நாற்பது- பாடல்: 31

அடைந்தார் துயர் கூரா ஆற்றல் இனிதே;

கடன் கொண்டும் செய்வன செய்தல் இனிதே;

சிறந்து அமைந்த கேள்வியர் ஆயினும், ஆராய்ந்து

அறிந்து உரைத்தல் ஆற்ற இனிது. 31

பொருள்:- கூரா - துன்பம்;
தம்மை அடைக்கலமாக வந்தவன் துன்பத்தை நீக்குவது இனிது. கடன் வாங்கியாவது செய்ய வேண்டியவற்றைச் செய்வது இனிது. மிகச் சிறந்த நுட்பமான அறிவுடையவர்களாக இருந்தாலும் ஒரு பொருளை ஆராய்ந்து உரைப்பது இனிது ஆகும்.

***************************************

இனியவை நாற்பது-பாடல்: 32

கற்று அறிந்தார் கூறும் கருமப் பொருள் இனிதே;

பற்று அமையா வேந்தன்கீழ் வாழாமை முன் இனிதே;

தெற்றெனவு இன்றித் தெளிந்தாரைத் தீங்கு ஊக்காப்

பத்திமையின் பாங்கு இனியது இல். 32

பொருள்:- தெற்றனவு - ஆராய்ந்து;
கற்று அறிந்தவர்கள் கூறும் கருமப் பயன் இனிதாகும். அன்பில்லாத அரசனின் கீழ் வாழாதிருத்தல் இனிதாகும். ஆராயாமல் கெடுதல் செய்தவர்களுக்கு தீங்கு செய்யாமல் அன்புடையவராக இருத்தலைப் போன்று இனியது வேறு இல்லை.

***************************************

இனியவை நாற்பது- பாடல்: 33
ஊர் முனியா செய்து ஒழுகும் ஊக்கம் மிக இனிதே;
தானே மடிந்து இராத் தாளாண்மை முன் இனிதே;
வாள் மயங்கு மண்டு அமருள் மாறாத மா மன்னர்
தானை தடுத்தல் இனிது. 33

பொருள்:- தாள் - முயற்சி;
ஊர் வெறுக்காதவற்றைச் செய்து வருபவனின் ஊக்கம் இனிதாகும். சோம்பல் இல்லாது முயற்சி உடையவனின் ஆண்மை இனிதாகும். வாள் கலக்குகின்ற போரில் மாறாத பெருமை உடைய அரசர்களின் படைகளை எதிர்த்தல் ஓர் அரசனுக்கு இனிதாகும்.

***************************************

இனியவை நாற்பது- பாடல்: 34

எல்லிப் பொழுது வழங்காமை முன் இனிதே;

சொல்லுங்கால் சோர்வு இன்றிச் சொல்லுதல் மாண்பு இனிதே;

புல்லிக் கொளினும் பொருள் அல்லார் தம் கேண்மை

கொள்ளா விடுதல் இனிது. 34

பொருள்:- கேண்மை - நட்பு; சோர்வு - மந்தி;
இரவில் செல்லாமல் இருப்பது இனியது. சொல்லும் இடத்து மறதியின்று சொல்லுதல் இனிதாகும். தானாக வலிய வந்து நட்புக் கொள்ளும் கயவர்களின் நட்பினைக் கைவிடுதல் இனிதாகும்.

***************************************

இனியவை நாற்பது- பாடல்: 35

ஒற்றினான் ஒற்றிப் பொருள் தெரிதல் மாண்பு இனிதே;
முன்தான் தெரிந்து முறை செய்தல் முன் இனிதே;
பற்று இலனாய்ப் பல்லுயிர்க்கும் பார்த்து உற்றுப் பாங்கு
அறிதல் வெற்றி வேல் வேந்தர்க்கு இனிது. 35 

பொருள்:ஒற்று - வேவு; உற்று - சமமாக;
வெற்றியைத் தருகின்ற பெருமை உடைய அரசன் ஒற்றன் கூறியவற்றை, வேறு ஒற்றராலே ஆராய்ந்து பார்ப்பது இனிது. ஆராய்ந்து பார்த்து நீதி வழங்குதல் இனிதாகும். எல்லா உயிர்களையும் சமமாகப் பாவித்து முறை செய்தல் இனிதாகும்
***************************************

நாம் வளம் பெற,  நலம் பெற, மன நிறைவுடன் வாழ நாம் செய்யக் வேண்டியவைகளைப் பற்றி கூறும் பூதன் சேந்தன் என்னும் புலவர் இயற்றியது, இனியவை நாற்பது என்னும் நூல். பதினெண் கீழ் கணக்கின் தொகுப்பில் உள்ள இந்த நீதி நூலை நமது வாழ்க்கையில் பின்பற்றி வளமுடன் வாழ்வோமாக!!! மேலும் இனியவை  நாற்பதின் ஊடாக  பயணிப்போம் இனிய நண்பர்களே!!! அன்புடன் கே எம் தர்மா.

இனியவை நாற்பது (26-30)-பாடல்களும் விளக்கமும்

பூதன் சேந்தனார் என்பவர் இயற்றிய நூல் இனியவை நாற்பது. இது நாற்பது வெண் பாக்களினால் ஆனது. பண்டைக் காலத் தமிழ்நூல் தொகுப்புக்களில் ஒன்றான பாத்தேன் கீழ் கணக்கு நூல்களுள் இதுவும் ஒன்று. உலகில் நல்ல அல்லது இனிமையான விடயங்களை எடுத்துக் கூறுவதன் மூலம் மக்களுக்கு நீதி புகட்டுவதே இந்நூலின் நோக்கம். ஒவ்வொரு பாடலும் மூன்று நல்ல விடயங்களை எடுத்துக் கூறுகின்றது. 
***************************************************************** 

இனியவை நாற்பது பாடல்கள் (26-30) விளக்கத்துடன்:

இனியவை நாற்பது- பாடல்:26

நச்சித் தற் சென்றார் நசை கொல்லா மாண்பு இனிதே;

உட்கு இல்வழி, வாழா ஊக்கம் மிக இனிதே;

எத் திறத்தானும் இயைவ கரவாத

பற்றினில் பாங்கு இனியது இல். 26

பொருள்:- நசை - விருப்பம்; பாங்கு - அன்பு;
ஒரு பொருளை விரும்பித் தன்னை அடைந்தவர்களின் விருப்பத்தை நிறைவேற்றுதல் இனிது. மதிப்பு இல்லாதவிடத்து வாழாதவனின் மனவெழுச்சி இனிது. எப்படியானாலும் பிறருக்குக் கொடுக்கும் பொருளை மறைக்காதவனின் அன்பு மிகப்பெரியது.

********************************

இனியவை நாற்பது-பாடல்:27

தானம் கொடுப்பான் தகை ஆண்மை முன் இனிதே;

மானம் பட வரின் வாழாமை முன் இனிதே;

ஊனம் கொண்டாடார், உறுதி உடையவை

கோள் முறையால் கோடல் இனிது. 27

பொருள்:- ஆண்மை - பெருமை;
அபயம் கொடுப்பவனின் ஆண்மை மிக இனிது. மானம் இழந்து வாழாமை இனிது. குற்றம் கூறாதவரின் உறுதி இனிது. நன்மையானவற்றை முறைப்படிப் பெறுதல் இனிது.

********************************

இனியவை நாற்பது- பாடல்:28

ஆற்றானை, 'ஆற்று' என்று அலையாமை முன் இனிதே;

கூற்றம் வரவு உண்மை சிந்தித்து வாழ்வு இனிதே;

ஆக்கம் அழியினும், அல்லவை கூறாத

தேர்ச்சியில் தேர்வு இனியது இல். 28

பொருள்:- ஆற்றானை - செய்யமாட்டாதவனை; கூற்றம் - எமன்;
ஒரு வேலையைச் செய்யத் தெரியாதவனிடத்து ஒரு வேலையைக் கொடுக்காமை இனிது. எமனின் வருகையை எதிர்பார்த்து வாழ்வது இனிது. செல்வம் இழந்தாலும் பாவச் சொற்களைக் கூறாதிருப்பது எல்லாவற்றையும் விட இனியது.

********************************

இனியவை நாற்பது- பாடல்:29

கயவரைக் கை இகந்து வாழ்தல் இனிதே;

உயர்வு உள்ளி ஊக்கம் பிறத்தல் இனிதே;

'எளியர், இவர்!' என்று இகழ்ந்து உரையாராகி,

ஒளி பட வாழ்தல் இனிது. 29

 

பொருள்:-  கயவரை - கீழ்மக்களை; இகழ்ந்து - அவமதித்து;
கீழ் மக்களை நீக்கி வாழ்தல் இனியது. தன் உயர்வினை நினைத்து ஊக்கத்துடன் வாழ்தல் இனிது. வறியவர் என்று இகழாது புகழ்பட வாழ்தல் இனிதாகும்.

********************************

இனியவை நாற்பது-பாடல்:30

நன்றிப் பயன் தூக்கி வாழ்தல் நனி இனிதே;

மன்றக் கொடும்பாடு உரையாத மாண்பு இனிதே;

'அன்று அறிவார் யார்?' என்று அடைக்கலம் வெளவாத

நன்றியின், நன்கு இனியது இல். 30

பொருள்:- மாண்பு - மாட்சிமை; வௌவாத - அபகரியாத;
ஒருவர் செய்த உதவியினை நினைத்து வாழ்தல் இனிது. நீதி சபையில் நடுநிலை தவறாமல் இருத்தலின் பெருமை இனிது. யாருக்கும் தெரியாது என்று அடைக்கலமாய் வந்த பொருளை அபகரிக்காமல் இருத்தல் இனிதின் இனிது.

************************************

நாம் வளம் பெற,  நலம் பெற, மன நிறைவுடன் வாழ நாம் செய்யக் வேண்டியவைகளைப் பற்றி கூறும் பூதன் சேந்தன் என்னும் புலவர் இயற்றியது, இனியவை நாற்பது என்னும் நூல். பதினெண் கீழ் கணக்கின் தொகுப்பில் உள்ள இந்த நீதி நூலை நமது வாழ்க்கையில் பின்பற்றி வளமுடன் வாழ்வோமாக!!! மேலும் இனியவை  நாற்பதின் ஊடாக  பயணிப்போம் இனிய நண்பர்களே!!! அன்புடன் கே எம் தர்மா.

இனியவை நாற்பது (21-25)-பாடல்களும் விளக்கமும்

பூதன் சேந்தனார் என்பவர் இயற்றிய நூல் இனியவை நாற்பது. இது நாற்பது வெண் பாக்களினால் ஆனது. பண்டைக் காலத் தமிழ்நூல் தொகுப்புக்களில் ஒன்றான பாத்தேன் கீழ் கணக்கு நூல்களுள் இதுவும் ஒன்று. உலகில் நல்ல அல்லது இனிமையான விடயங்களை எடுத்துக் கூறுவதன் மூலம் மக்களுக்கு நீதி புகட்டுவதே இந்நூலின் நோக்கம். ஒவ்வொரு பாடலும் மூன்று நல்ல விடயங்களை எடுத்துக் கூறுகின்றது. 

இனியவை நாற்பது பாடல்கள் (21-25) விளக்கத்துடன்:

இனியவை நாற்பது- பாடல்:21

பிறன்கைப் பொருள் வெளவான் வாழ்தல் இனிதே;

அறம்புரிந்து, அல்லவை நீக்கல் இனிதே;

மறந்தேயும் மாணா மயரிகள் சேராத்

திறம் தெரிந்து வாழ்தல் இனிது. 21

பொருள்:- வௌவான் - அபகரிக்காமல்; மயரிகள் - அறிவிலிகள்;
பிறருடைய கைப்பொருளை அபகரிக்காமல் வாழ்வது இனியது. தர்மம் செய்து பாவத்தை நீக்குதல் இனிது. மாட்சிமை இல்லாத அறிவிலிகளைச் சேராத வழிகளை ஆராய்ந்து வாழ்தல் இனிது.

************************************

இனியவை நாற்பது- பாடல்:22

வருவாய் அறிந்து வழங்கல் இனிதே;

ஒருவர் பங்கு ஆகாத ஊக்கம் இனிதே;

பெரு வகைத்து ஆயினும், பெட்டவை செய்யார்,

திரிபு இன்றி வாழ்தல் இனிது. 22

பொருள்:- வழங்கல் - கொடுத்தல்; ஊக்கம் - மனவெழுச்சி;
தன் வருவாய்க்கு ஏற்றார் போன்று கொடுத்தல் இனிது. ஒருவனுக்குச் சார்பாகாத ஒழுக்கம் இனிது. பெரிய யானையை உடையவராயினும் தாம் விரும்பியவற்றை ஆராயாது செய்யாதவராய், தம் இயல்பிலிருந்து மாறாதவராய் வாழ்தல் இனிது.

************************************

இனியவை நாற்பது- பாடல்:23

காவோடு அறக் குளம் தொட்டல் மிக இனிதே;

ஆவோடு பொன் ஈதல் அந்தணர்க்கு முன் இனிதே;

பாவமும் அஞ்சாராய், பற்றும் தொழில் மொழிச்

சூதரைச் சோர்தல் இனிது. 23

பொருள்:- தொட்டல் - வெட்டுதல்; ஆ - பசு;
சோலையுடன் கூடிய பொதுக் குளத்தை வெட்டுதல் இனிது. அந்தணர்க்குப் பசுவோடு பொன்னைக் கொடுத்தல் இனிது. பாவத்திற்கு அஞ்சாமல் சூதாடுகிறவர்களை நீக்கி வாழ்தல் இனியது.

************************************

இனியவை நாற்பது-பாடல்:24

வெல்வது வேண்டி வெகுளாதான் நோன்பு இனிதே;

ஒல்லும் துணையும் ஒன்று உய்ப்பான் பொறை இனிதே;

இல்லது காமுற்று, இரங்கி இடர்ப்படார்

செய்வது செய்தல் இனிது. 24

பொருள்:- வெகுளி - கோபம்; பொறை - பொறுத்தல்;
மேம்படுத்தலை விரும்பி கோபம் இல்லாமல் இருப்பவனின் தவம் இனியது. எடுத்துக் கொண்ட வேலையை முடிக்கும் ஆற்றல் உடையவனின் பொறுமை மிக இனிது. தம்மிடம் இல்லாத பொருளை நினைத்து துன்பப்படாமல் இருப்பது இனிது.

************************************

இனியவை நாற்பது- பாடல்:25

ஐ வாய் வேட்கை அவா அடக்கல் முன் இனிதே;

கைவாய்ப் பொருள் பெறினும், கல்லார்கண் தீர்வு இனிதே;

நில்லாத காட்சி நிறை இல் மனிதரைப்

புல்லா விடுதல் இனிது. 25

பொருள்:- வேட்கை - ஆசை; புல்லா - சேராது;
ஐந்து வழியால் வருகின்ற ஆசைகளை அடக்குதல் இனிது. கையில் நிற்கக்கூடிய பொருளைப் பெறுவதாக இருந்தாலும் கல்லாதவரை விடுதல் இனிது. இந்த உலகம் நிலையானது என்போரின் நட்பினைக் கை விடுதல் இனியது.

************************************

நாம் வளம் பெற,  நலம் பெற, மன நிறைவுடன் வாழ நாம் செய்யக் வேண்டியவைகளைப் பற்றி கூறும் பூதன் சேந்தன் என்னும் புலவர் இயற்றியது, இனியவை நாற்பது என்னும் நூல். பதினெண் கீழ் கணக்கின் தொகுப்பில் உள்ள இந்த நீதி நூலை நமது வாழ்க்கையில் பின்பற்றி வளமுடன் வாழ்வோமாக!!! மேலும் இனியவை  நாற்பதின் ஊடாக  பயணிப்போம் இனிய நண்பர்களே!!! அன்புடன் கே எம் தர்மா.

இனியவை நாற்பது (16-20)-பாடல்களும் விளக்கமும்

பூதன் சேந்தனார் என்பவர் இயற்றிய நூல் இனியவை நாற்பது. இது நாற்பது வெண் பாக்களினால் ஆனது. பண்டைக் காலத் தமிழ்நூல் தொகுப்புக்களில் ஒன்றான பாத்தேன் கீழ் கணக்கு நூல்களுள் இதுவும் ஒன்று. உலகில் நல்ல அல்லது இனிமையான விடயங்களை எடுத்துக் கூறுவதன் மூலம் மக்களுக்கு நீதி புகட்டுவதே இந்நூலின் நோக்கம். ஒவ்வொரு பாடலும் மூன்று நல்ல விடயங்களை எடுத்துக் கூறுகின்றது. 
************************************
இனியவை நாற்பது- பாடல்:17
கற்றார் முன் கல்வி உரைத்தல் மிக இனிதே;

மிக்காரைச் சேர்தல் மிக மாண முன் இனிதே;

எள் துணையானும் இரவாது தான் ஈதல்

எத்துணையும் ஆற்ற இனிது. 16

பொருள்:- ஈதல் - கொடுத்தல்;
கற்றவர்களின் முன் தான் பெற்ற கல்வியை உணர்த்துதல் இனிது. அறிவின் மேம்பட்டவர்களைத் துணையாகக் கொள்ளுதல் இனிது. எவ்வளவு சிறிதாயினும் தான் இரவாது பிறருக்குக் கொடுத்தல் எல்லாவற்றையும் விட இனிதாகும்.

************************************

இனியவை நாற்பது- பாடல்:17
நட்டார்க்கு நல்ல செயல் இனிது; எத்துணையும்
ஒட்டாரை ஒட்டிக் கொளல் அதனின் முன் இனிதே;
பற்பல தானியத்ததாகி, பலர் உடையும்
மெய்த் துணையும் சேரல் இனிது. 17

பொருள்: நட்டார் - நண்பர்;
நண்பர்களுக்கு இனியவற்றைச் செய்தல் இனிது. அதனைவிட எள் அளவும் நட்பு இல்லாதவர்களை நண்பர்களாக்கிக் கொள்வது அதனைவிட இனியது. எல்லாவகைப் பொருட்களை உடையவராய் சமயத்தில் உதவும் நண்பர்களைத் துணையாக வைத்துக் கொள்வது
************************************

இனியவை நாற்பது- பாடல்:18

மன்றில் முதுமக்கள் வாழும் பதி இனிதே;

தந்திரத்தின் வாழும் தவசிகள் மாண்பு இனிதே;

எஞ்சா விழுச் சீர் இரு முது மக்களைக்

கண்டு எழுதல் காலை இனிது. 18

பொருள்:- தந்திரம் - நூல்; முதுமக்கள் - அறிவுடையோர்;
அறிவுடையவர்கள் வாழுகின்ற ஊரில் வாழ்வது இனியது. அறநூல்படி வாழும் முனிவர்களின் பெருமை இனியது. தாய் தந்தையரைக் காலையில் கண்டு வணங்குதல் இனிது.

************************************

இனியவை நாற்பது-பாடல்:19 

நட்டார்ப் புறங்கூறான் வாழ்தல் நனி இனிதே;

பட்டாங்கு பேணிப் பணிந்து ஒழுகல் முன் இனிதே;

முட்டு இல் பெரும் பொருள் ஆக்கியக்கால் மற்றுஅது

தக்குழி ஈதல் இனிது. 19

பொருள்:- பேணி - பாதுகாத்து; ஈதல் - கொடுத்தல்;
நட்பு கொண்டவர்களைப் பற்றி புறம் கூறாமல் இருத்தல் இனியது. சத்தியத்தை பேணிப் பாதுகாத்து வாழ்தல் மிக இனியது. பெரும் பொருளைத் தேடி அதனைத் தக்கவர்களுக்கு ஈதல் மிக இனிது.

************************************

இனியவை நாற்பது- பாடல்:20

சலவரைச் சாரா விடுதல் இனிதே;

புலவர்தம் வாய்மொழி போற்றல் இனிதே;

மலர்தலை ஞாலத்து மன்னுயிர்க்கு எல்லாம்

தகுதியால் வாழ்தல் இனிது. 20 

பொருள்:- சலவரை - வஞ்சகரை; ஞாலத்து - பூமியில்;
வஞ்சகர்களை நீக்குதல் இனியது. அறிவுடையாருடைய வாய்மொழிச் சொற்களைப் போற்றுதல் இனியது. பூமியில் வாழ்கின்ற உயிர்கள் உரிமையுடன் வாழ்தல் இனிது.

************************************

நாம் வளம் பெற,  நலம் பெற, மன நிறைவுடன் வாழ நாம் செய்யக் வேண்டியவைகளைப் பற்றி கூறும் பூதன் சேந்தன் என்னும் புலவர் இயற்றியது, இனியவை நாற்பது என்னும் நூல். பதினெண் கீழ் கணக்கின் தொகுப்பில் உள்ள இந்த நீதி நூலை நமது வாழ்க்கையில் பின்பற்றி வளமுடன் வாழ்வோமாக!!! மேலும் இனியவை  நாற்பதின் ஊடாக  பயணிப்போம் இனிய நண்பர்களே!!! அன்புடன் கே எம் தர்மா.