மௌனம் பேசியதோ!
பிள்ளை வான் நிலா
வெள்ளைப் பால் கொடுக்க
பூமித் தாய் அதை
பூரிப்புடன் பருகினாள்!
சிவந்த தன் இதழ்களிலே
கனிந்த தேன் சந்தமுடனே
முல்லைச் சிரிப்பை மூடித் திறந்தே
வெள்ளைப் புறாவைத் தோளிற் சுமந்தே
மெல்லென அவன் அருகினில் வந்தாள்!
வானத் தெருவில் அகல்
விளக்குகள் எரிய பாவை அவளைப்
பார்த்த அவன் விழிகளோ
மீள மறுக்க அவர்கள்
மனச் சமவெளியில் மௌனம் பேசியது!...Gowry Nesan
முகநூல் தோழி பொன்சிவ கௌரி அவர்களின் அருமையான படைப்பும் நேர்த்தியான பின்னூட்ட படமும் (கல்கியின்-பொன்னியின் செல்வன் கதாநாயகன் வந்தியத்தேவனும் அவனது இணை புறாவும் ) என்னை மிகவும் கவர்ந்தது. வாழ்த்துக்கள் தோழிக்கு. அன்புடன் கே எம் தர்மா... 
No comments:
Post a Comment
பதிவினைப் பற்றி தங்களின் கருத்தை பதியலாமே நண்பரே!!